Ihtirametna

مطلوب حلّ جذري

Posted in Writings by johnnyhage on July 19, 2009

 

مبارح…..صار في عنّا تبادل أسرى……

إجا خمس أسرى لبنانيّي….وعدد كبير من الشهداء…..

 

بطبيعة الحال….أكيد…انا كنت كتير مبسوط باللّي صار…..

 

أنا ونازل عالشغل مبارح……لأنّو مبارح كان عندي شغل……

كان عندي شغل….ولو إنّو البلد كلّو كان مسكّر…….

لأنّو بيظهر المؤسّسة اللّي أنا بشتغل فيها……

مش كتير بيعنيلها موضوع الأسرى……

 

فكنت نازل….

وإذ بتفاجأ……إنّو الطرقات فاضية……

هوني أنا…..انبسطت أكتر من ما كنت مبسوط……

لأنّو وصلت عالشغل بسرعة….ومن دون عجقة…..

 

ابتسمت…..وقلت بيني وبين حالي….

يا ريت تبادل الأسرى والأحتفال فيهن…بياخد أكتر من نهار واحد….

يعني بدل ما يجو الأسرى دفعة وحدة…..بركي بيجوا عدفعات…..

هيك بيطلع عنّا كذا نهار…من دون عجقة…..

 

يمكن يكون هيدا نوع من الحلّ….لوقت إنّو تجي الدولة….

….وتلاقي حلّ جذري….. لمشكلة العجقة

 

…إحتراماتنا….

Advertisements

أنا رح قلكن وين عايشين

Posted in Writings by johnnyhage on July 19, 2009
people

أ

أنا رح قلكن وين عايشين…..نحنا عايشين بزريبة بَشَر …..

 

بَشَر… ما بيعرفو غير إنّو ينَظّروا ويشرّعوا قوانين…

 

لكن تنظيراتن وقوانينن….عم بيطلعوا بشكل عشوائي….

وكلّو فايت ببعضو……منشان هيك سمّيتها زريبة…

 

هلّق بالزريبة نفسها…

في عندك نوع من المخلوقات…..هودي بيشبهوا البشر

….لكن منّن بشر…

هودي مخلوقات مش معروف شو نوعن…..

 

هودي شغلتن….إنّو لمّا البشر يسنّوا ويشرّعوا القوانين

شغلتن….يمشو بالقوانين عالعمياني….

 

كتير حلو بيكون..لو هنّي بيوقفوا..

بيوقفوا وبيسألوا ليش ماشيين بهيك قوانين…

عن جدّ كتير حلو…..بس ما بيعملوها…..

 

انشاللّه بكرا لمّن يصيرو يعملوها…

بيصير إسمن بشر…

 

إحتراماتنا…

مش عم بوعى

Posted in Writings by johnnyhage on July 19, 2009


هوّي عادةً كلّ يوم …في عندكن عالم…بتشتغل…..
وكمان….كلّ يوم… في عالم…قاعدة بلا شغل…..


هيدي شغلتها بتكون…إنّو تشتغل بالعالم….

هلّق العالم اللّي بتشتغل….كلّ يوم بتوعا الصّبح…..
بتوعا الصّبح….وبتنزل عالشغل……

إلاّ أنا…..
أنا……عم بلاقي صعوبة بهالشغلة……..
أنا عم بلاقي حالي دغري بالشغل…..

مش عم بتذكّر الفترة اللّي بوعى فيها…
وبقوم من التخت….
وبسوق السيّارة….لأوصل عالشغل….

عم جرّب إتذكّر….بسّ مش عم بقدر…..

الظاهر…
الظاهر إنّو أنا مش عم بوعى بالبيت….
الظاهر……إنّو أنا…عم بوعى بالشغل…..

إحتراماتنا…

 

%d bloggers like this: