Ihtirametna

البيضة الشمال…

Posted in Writings by johnnyhage on December 6, 2009

إجا صديقي لعندي…..
ومستحي…..
إجر لقدّام وإجر لورا…..
بدّو يحكي….لكن مش عم يطلع من تمّو حكي…قد منّو متردّد.
…بصراحة….
مش بسّ كان متردّد….كان مصفرن…

تركتو أنا…..

بعد نتفة وقت…..حسّ إنّو تِخنِت….
وإنّو ما بقا فيه يتحمل الضغط لحالو…..

إجا لعندي وقلّي : “ليك…..”

قلتلّو: “شو”

قلّي: “بدّي قلّك شي”

قلتلّو: “قلّي…شو”…..؟

قلّي: ” عم توجعني بيضتي الشمال”….

قلتلّو عصوت عالي: “شو”؟

قلّي: “إي…متل ما سامع…عم توجعني بيضتي الشمال….
بتعرف شي حكيم أو شي حدا بيفهم بهيك إشيا”….؟

قلتلّو: “لأ…للصراحة لأ…ما بعرف حدا بيفهم بهيك إشيا….”

قلّي:” أنا بعرف…. خالي حكيم…وهوّي بيفهم…بسّ مش مسترجي إحكيه….”

هون أنا…..سفئتو خطاب ما بيفهم…..
وقنعتو إنّو القصّة خطيرة…
وإنّو ضرورة جدّاً يحكي خالو الحكيم بالموضوع…

راح…وحكي خالو الحكيم…….
وخبّرو عن الموضوع…..

ف…بقوم خالو الحكيم….
ال…فِتِح….. وأنا أؤكّد إنّو فِتِح…..بجاوبو:
“بسيطة….ركّ عاليمين”….

سكّر التيليفون….ورجع صديقي لعندي….
مبنّك…ومصفرن أكتر من الأولّ….
وقف قدّامي…وتوجّه بالحديث لئلي:
“قلتلّو عم توجعني بيضتي الشمال…….
قام قلّي بسيطة…ركّ عاليمين”…
إي …..شو يعني؟”

أنا بصراحة…ما عرفت جاوبو شو يعني….

إنتو إذا بتعرفوا شو يعني…..دخيل عرضكن…
خبروني…لروح أنا خبرو…..

و….مستعجلي القصة…بالأمليّة يعني……

إحترماتنا….

Advertisements

5 Responses

Subscribe to comments with RSS.

  1. firas said, on December 6, 2009 at 9:43 pm

    mabrouk the blog,
    well since in lebanon the whole “leftist” community is in pain, the whole politics is extremely right 🙂
    cheeers

  2. Maroun said, on December 6, 2009 at 11:32 pm

    sarit ma3i hal shaghleh khayyi johnny…. bass ken 3omri shi 15…
    eh walla 7ili albi… wel waja3 mish bass jasadi, kil rjouliytak btouja3ak, w bet7ess inna 3ala shafeer el hewyeh…

    w mish inno kenit el shmel akbar bi shwey… el yameen ma kenit mbayneh iddema…

    fa el 7aslo… illo la sa7bak yekhoud Augmentin 3a shi 7 days (ma3 inno you would expect something called Augmentin to augment its size)… byimshi 7alo…
    w bi hal 7 days, khalli yrikk 3al yameen mitel ma allo khelo el fiti7…

  3. Sherif said, on December 7, 2009 at 12:35 am

    It is a great honor to read your launching article about such a drastic issue.

    Can’t wait to read more hilarious entries.

    btw, why dont you do sound clips?

    Best,

    SM

  4. johnnyhage said, on December 7, 2009 at 4:49 pm

    Maroun…. sadi2i nezel bil Augmentin…2allah wakilak…. hall2 keef baddi 2i2na3o ywa22if Augmentin?:)
    …Ihtirametna…

  5. Maroun said, on December 9, 2009 at 5:26 pm

    walaw ka johnny? ma fi a7san minnak bi tar2 el 7aki… tla3lo bi shi khabriyyeh 3an masewe2 el augmentin.. w inno ma lezim yekhoud kteer la2an biseer moudmin 3lei… aw yimkin bibattil yjeeb wled (haydi iza ken aslan fi yjeeb wled sa7bak)… inta bta3ref aktar minni bi hal oumour….
    illo inno el augmentin 3am yes7abou min el sou2 la2an 3am yodroub baydet el shmel…
    w ihtirametna…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: