Ihtirametna

بكرا لمّا يرجع يخلقني عن جديد

Posted in Writings by johnnyhage on March 20, 2010

أنا بعرف شو رح أطلب منّو…..
ورح إبقى صلّيلو كلّ ّيوم… ليحقّقلي شو بدّي……
إنّو مش كلّ يوم…كلّ يوم…..
معنى الحكي يعني…..
المهم إنّو بكرا لمّا إتذكر صلّيلو….
رح دايماً أطلب منّو….

رح أطلب منّو…
إنّو بكرا…لمّا يرجع يخلقني عن جديد….
إذا ما في إزعاج …ومن دون ما يحمل تقلي يعني….
بركي…. بيخلقني بشي بلد تاني….
بلد غير يا خيّي….

بشي بلد شويّ محترم أكتر….

بركي بيخلقني بشي بلد….في نظام مثلاً….

شي بلد يكونوا بناياتو مرقّمين حسب المناطق والأرقام……
وعندو خريطة واضحة فيك تتبعها لتسوح فيه….
هيدا بحال جايي عبالك تسوح….
إنّو بشرفكن… فيه أبسط من هيك….

بركي بيخلقني بشي بلد….
قادر يعلّمني بمدارس وجامعات محترمة…..وتابعة للدولة……
من دون ما إتكّل عإمّي وبيّي….
وإهلِكهن طول عمرن ليعلموني بمدارس خاصّة…….
هلّق من دون شكّ… إمّي وبيّي ما في منّن….يقبروني بجنّنوا….
بسّ لو إنّو هالبلد…بشدّ همتوا شويّ زغيرة……
بسّ شويّ….

بركي بيخلقني بشي بلد….
يكون السياسي فيه جايي ليخدم الشعب…..
ومش الشعب…جايي ليخدم السياسي…..

بركي ….كمان بطلب منّو….
إنّو يخلقني بشي بلد….
أهلوا….بحبّوا بعضن….

مش ضروري يحبّوا بعضن يا خيّي….
يتحمّلوا بعضن…..يحترموا بعضن…..
شو بعرفتي شو…المهمّ إنّو يعيشوا مع بعضن….
هلّق مظبوط …يمكن…
…متل ما بادي….
كلّ مجموعة بتناديلك وبتصلّيلك عطريقتها….
بسّ دخيل عرضك…قلّن إنو إنت مش فرقاني معك….
وقلّن كمان إنّو ….كلّن، بالنسبة إلك، متل بعضن…
وما حدا مسبّق حدا….. وطريق الجنّة عمسافة وحدة من الكلّ….
بسّ تما يقبروا بعضن يعني….
حرام….

بركي كمان بطلب منّو…إنّو بيخلقني….
بشي بلد…..
قادر إنّو يعطيني جنسيّة محترمة…..
هيك…بوفّرعليّي روح إشحد جنسيّة تاني….

هلّقّ فيني قلّوا كمان…
إنّو إذا منّو قادر يخلقني عن جديد….
بشي بلد تاني…
بركي…
كحلّ بديل يعني….
بركي…بظبّط البلد اللّي عايش فيه أنا حالياً….
هيي ذاتها ساعتها بتصبر….مش فرقاني معي أنا….

لأ…بسّ أكيدي…إذا بقلّوا هيك…
رح بجاوبني:
“دخيل عرضك…..ما تفوّتني بهالمتاهات….
خلص بكرا لمّا إخلقك عن جديد….رح إخلقك ببلد تاني….عذوقك….
خلص…..وعد”..

إحترماتنا….

Advertisements

5 Responses

Subscribe to comments with RSS.

  1. mahnaz said, on March 21, 2010 at 12:16 am

    Bel UK masalannn ??

  2. johnny said, on March 21, 2010 at 12:27 am

    masalan….w yemkon london la n7addid aktar:)….ihtirametna

  3. farah said, on March 21, 2010 at 1:10 am

    miyyeh bel miyyeh

  4. Amani said, on April 10, 2010 at 7:37 pm

    ma bzon byemshe l 7al bel 7alten.. btenza3 el balad yalli betro7 3le.. ne7na mrakkabin hek, ma mne2dar n3ish bi ayya bi2a tenye, mnezha2 !!

  5. mireille said, on April 15, 2010 at 11:30 am

    heye ma3ak 7a2 eno ya reit mnekhla2 b balad tene
    bass iza khle2t b balad tene:
    u wouldnt have grown up into the man u are now
    with this sense of humor & writing skills
    shhuu??!!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: