Ihtirametna

ماشي عال “سبير” Spare

Posted in Writings by johnnyhage on April 26, 2010

 

نهار الجمعة……

هيدي الجمعة اللي قطعت…..

كنت عم باخد كاس بالحمرا….

مع شلعة أصحاب…كان صرلي زمان مش شايفهن….

 

وبتطلع حضرتها عالتشات  chat …..

وزهئاني……

بتقوم بتقلّي: “روح لنحضر سينما…..”

بقوم أنا بقلّها: “طيّب….روحي لنروح…..”

 

بقطش جلسة الكاس….وبدوّر السيّارة….

وبسحب عالسينما ت…نلحّق الفيلم….

لأنّو كانت 9:45 لمّا طيّبتلّها….

والفيلم ببلّش عال 10 – 10:15….

 

ف…ساحب حضرة جنابي…..

وصلت عأوتستراد الدورة….

وهونيك ضعت إذا باخد الطريق البحريّة….أو بكفّي عالأتوستراد العادي….

وأنا مسرع….وضايع……ومحتار….

بقوم بفوت بهيدا “الفاصل الباطون”…

اللّي بيفصل الطريق البحريّة عن الإتوستراد…

 

بسمع صوت كتير قوي…..

هيدا الصوت إجا مع الضربة….وما عادش راح…..

صفّيت…..

انزلت من السيّارة……..

اتطلّعت عالدولاب  الشمال القدماني…..مطرح ما إجت الضربة…

لقيتو بعدو محّلوا….

منفّس شويّ…. الجنط مطعوَج….

لكن بعدو محَلوا….

 

قلت أنا …..ما تكون كسلان يا صبي……

دوّر…ؤكفّي طريقك عالسينما…هيك بتحضر الفيلم….

وبعدان….لمّا تخلص…..بتغيّر الدولاب…..

 

…دوّرت….ومشيت……

مشيت ….وصفّا الصوت عم يقوى مع الوقت….

لحتّى صار أقوى من صوت الموتير…

وأقوى من الموسيقى اللّي حاتطها أنا بالسيّارة….

وقفت السيّارة عن جديد…..

انزلت……

واتطلعت بالدولاب عن جديد….

القيتوا فحّم…..وانشقّ اتنين….

وحرام…

ما عدش معروف إنّو دولاب….

 

فتحت الصندوق الورّاني…..وشلت شي اتنعشر شنطة من الصندوق…..

لقدرت أوصل عالعفريت…..وعدولاب السبير spare…..

 

بدكن للصراحة… أنا كنت ناسي شو يعني عفريت…..

وناسي كبف بيشتغل…..

فلقيت حالي قدّ الطريش…..

نهار الجمعة….

الساعة عشرة إلاّ خمسة المسا……

قاعد لوحدي عالطريق…

وعم بكتشف هيدا العفريت…..كيف ممكن إنّو يفهم عليّي…..

أو بالأحرى …كيف انا ممكن إنّو إفهم عليه….

 

بعدان كنت ناسي كمان…إنّو دولاب السبير ّspare ….

بيجي حجموا قد ربع دولاب السيّارة…

العما بقلبوا متل البورتوكلي…..

يعني عنتفي ما كنش إلي قلب ركبوا قد منّوا صغير….

و بيناتنا…مش منيحة للسيارة إنّو يركب عليها هيك دولاب….

 

فبعد تِلْت ساعة من المحاولات…..والإكتشافات…..

مِشي حالي مع العفريت…..وركّبت هالدولاب…..

 

وتلاقيت معها بالسينما….. وحضرنا الفيلم…..

وهلّق ماشي عال “سبير” Spare…

والتويوتا…طابّي عالشمال…

 

ف…ألله يعينِك يا تويوتاّ على هيك شوفير……

 

 

إحترماتنا….

Advertisements

8 Responses

Subscribe to comments with RSS.

  1. Rouba said, on April 26, 2010 at 9:45 am

    Haydeh lspare ahla men lspare taba3 siyyartak 😛

  2. Rouba said, on April 26, 2010 at 9:46 am

    Hayda lspare lli bel soura above ahla men lspare taba3 siyyartak 😛

  3. martha el hajj said, on April 26, 2010 at 9:51 am

    hahahahahaha heik bta3ref l aintoureh bifout bil hitan w byemshe 3al jant min wara l zeh2ane yalle nabbatet 3al chat…ya haram hal toyota shou 3am bit2adde:)

  4. najat said, on April 26, 2010 at 10:07 am

    hehehehehe no way… meen hal benet lzeh2ene le chadetak??

    • johnnyhage said, on April 26, 2010 at 2:41 pm

      najat…haydi el cinema yalli shaddetni…..ken sarli zameeeeen mish 7ader cinema…..:)
      Ihtirametna…..

  5. Rafi' said, on April 26, 2010 at 9:33 pm

    Krikor…. bhib hanik 3a hall l hamess lal cinema…

    wl 3afrit mhim bill hayet… sta3mlo lal 3ayzin kamen…

  6. zeina said, on April 27, 2010 at 1:39 pm

    w kif ken hal film?

    • johnnyhage said, on April 27, 2010 at 3:39 pm

      zeina…el film ma ken bou shi……byen7adar……manno fazi3….bass byen7adar…..”Clash of the Titans”….hayda esmo…..


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: