Ihtirametna

عزيمة لشخصين

Posted in Writings by johnnyhage on July 27, 2010

إجاني تيليفون…..خبّروني إنّن حابيّن يعزموني….

على حفلة “جاز” بمهرجانات بعلبك…….

قلتيلّن أنا:…. يسلموا…. مشكورين…..

واعطيتهن العنوان….وين لازم يبعنتوا العزيمة…..

وقبل ما يسكروا الخط…..

قالولي:

إي…هيدي العزيمة “لشخصين” إستاذ….ونحنا بشرّفنا حضورك….

قلتلن:

…أنا كمان…و….ورح أعمل جهدي…..

وهيك عملت…….سكّرت التيليفون……

وبلّشت أعمل جهدي… لشوف مين بدّي أخد معي……

أوّل وحدي إجت عبالي…..هييّ صبيّة ……

ضهرنا سوا….كذا مرّة….

وعلى أساس….إنّو متل ما بادي كان من عندي….

إنّو ماشي الحال…,وإنّو في شي عم يركب بيناتنا…..

لكن اتبيّنلي بعدان…إنّو كاين في سوء نظر بركي من قبلي….

وإنّو لأ ما في شي عم يركب…..

هلّق أنا دقّيتلا عتيليفونا……..لكن الهيئة كانت مشغولة….

ارجعت دقيّتلها كزا مرّة…..وكانت مشغولة كزا مرة على ما يبدو….

ف………شلتها من راسي….

تاني وحدي إجت عبالي….هيّي صديقة لئلي….بتحبّ الجاز…..

دقّيتلها….انفئست لمّا عرفت…..

واعتذرت لأنّو مركّبة سهرتين كانت بنفس وقت العزيمة….

ف..عتّلتني همّها….. كيف بدّها تلحّق عالسهرتين هوديكي….

تالت وحدي إجت عبالي……هيّي زميلتي بالشغل…..

لكن قرايبينها…كانوا جايين من السفر عحظّي….وهيّي  لازم تهتم فيهن….

لأنّو متل ما فهمت….

ما في غيرها هيّي…..فيها إنّو تهتمّ فيهن…..

وهكذا دواليك…… كسّرت التيليفونات أنا دقدق للبنات ليلتها….

دقيّتلّي لشي اتنعشر وحدي أللّه وكيلكن…

من دون ما آخد جواب إيجابي من حدا…..

أخر شي آخر شي…دقّيت للصبيّة يللّي عزمتني بالأساس….

شكرتها من جديد عالعزيمة…

ورجعت بعدان بهدلتها بكلّ قلب مفتوح…..

وقلتلها:

“….يا تقربيني….

هيدي العزيمة لشخصين….

ما مش ظابطة….

تاني مرّة….إذا بتريدي….

يا أمّا اعزميني لوحدي…..

يا أمّا اتفضّلي إنت دبّريلي وحدي……”

منيح هيك…..

إحترماتنا….

أولا…..هاي كيفك سافا

Posted in Writings by johnnyhage on July 24, 2010

ليكو……بعرف إنّو صرلي شهر ونتفي……

ما كتبت شي…..

بس ما تخافوا….ما تخافو أبداً……

لأنّو ما راح عليكن شي…….

أنا بهالشهر ونتفي كنت عم براقب……

وعم حلّل ….وعم دوّن…..وعم نظّر بيني وبين حالي…..

وبطمّنكن…. إنو بكرا بتشوفوا النتيجة….

كتابات على حيلا رح تنهال عليكن……

رح بتقولولي دخيل عرضك ارحمنا…..

بسّ حابب علّق عكم شغلة صاروا بهالشهر ونتفي…..

فاصبروا عليي إذا بتريدوا…..

بهالفترة اللّي أنا كنت غايب فيها عنكن…..

إجا المونديال…..وراح المونديال…..

وصار عنّا بطل عالم جديد….

وصفّى نص اللّبنانيّة…أوحتى الأكتريّة…..

عم بقطعوا كم كلمة إسباني بحديثن اللّبناني…..

يعني إلى جانب ال “هاي كيفك سا فا”…..

زدنا…..”أولا”…..هيدي مرحبا بالإسباني يعني….

فصفّت المعادلة: “أولا…..هاي كيفك سافا….”

“Hola Hi Kifak Ca va”

بتنعمل غنيّي هيدي إذا بدكن….

ومش بسّ هيك…

صار عنّا بطل عالم جديد….

وصار عنّا أخطبوط جديد كمان….

يعني شو بدّي قلكن…..يا محلا ميشال حايك….

وشو إسمو هيداك من بيت فغالي…..

إي يا محلاهن…..

هيدا على مستوا عالمي ترجيحاتو…..(الأخطبوط)

مش إنّو حيالاّ….

و…ما بياخد إتصالات من الجمهور عفكرا….

بهالشهر ونصّ…..

صار عنّا ملكة جمال لبنان جديدي….

دخلكن…..بالأمليّة……

ليش الحلوين ما عدش عم بقدموا عملكة جمال لبنان…..

ويننّي يا خيّي…..

لازم وزير الداخليّة….. أو السياحة…أو ما بعرف شو يا خييّ….

وزير الثقافة بركي….. مش مهمّ….

المهمّ إنّو لازم شي وزير….

يصدر مذكرة توقيف بحقّن هودي…..الحلوين يعني…..

ويجبروهن يقدموا عملكة جمال لبنان…..

تحت طائلة المسؤوليّة…..

يعطوهن حوافز يا خيّي….

يربحوهن برّاد أو شي تلفزيون زيادي….

يربحوهن جنسيّة تاني يا خيّي…..بسّ قدموا….

بعدان بهالشهر ونص….

صار عنّا دعاية جديدة طالعة عالتلفزيون…..

أيا تيلفيزيون…..عالتلفزينات كلّها…

دعاية بتخبّرنا كيف إنّو بلبنان…..

مش رح تنقطع الكهربا أبداً بقا…..

لبنان رح بصير دايماً ON…..

حلو…..

طالعة وبقوّة يعني….

لدرجة إنّو كتير عم بعرضوها….

أفحمونا….

وبيناتنا…يعني ع…شوي… كنت رح بلّش صدّق أنا…..

شا يفين…. ولو ما انقطعت الكهرباء…..

شي تلات مرّات أنا وعم شوف هيدي الدعاية…..

عن جدّ كانو بلفوني…..

والأعظم آتٍ……

إحترماتنا…

%d bloggers like this: