Ihtirametna

عزيمة لشخصين

Posted in Writings by johnnyhage on July 27, 2010

إجاني تيليفون…..خبّروني إنّن حابيّن يعزموني….

على حفلة “جاز” بمهرجانات بعلبك…….

قلتيلّن أنا:…. يسلموا…. مشكورين…..

واعطيتهن العنوان….وين لازم يبعنتوا العزيمة…..

وقبل ما يسكروا الخط…..

قالولي:

إي…هيدي العزيمة “لشخصين” إستاذ….ونحنا بشرّفنا حضورك….

قلتلن:

…أنا كمان…و….ورح أعمل جهدي…..

وهيك عملت…….سكّرت التيليفون……

وبلّشت أعمل جهدي… لشوف مين بدّي أخد معي……

أوّل وحدي إجت عبالي…..هييّ صبيّة ……

ضهرنا سوا….كذا مرّة….

وعلى أساس….إنّو متل ما بادي كان من عندي….

إنّو ماشي الحال…,وإنّو في شي عم يركب بيناتنا…..

لكن اتبيّنلي بعدان…إنّو كاين في سوء نظر بركي من قبلي….

وإنّو لأ ما في شي عم يركب…..

هلّق أنا دقّيتلا عتيليفونا……..لكن الهيئة كانت مشغولة….

ارجعت دقيّتلها كزا مرّة…..وكانت مشغولة كزا مرة على ما يبدو….

ف………شلتها من راسي….

تاني وحدي إجت عبالي….هيّي صديقة لئلي….بتحبّ الجاز…..

دقّيتلها….انفئست لمّا عرفت…..

واعتذرت لأنّو مركّبة سهرتين كانت بنفس وقت العزيمة….

ف..عتّلتني همّها….. كيف بدّها تلحّق عالسهرتين هوديكي….

تالت وحدي إجت عبالي……هيّي زميلتي بالشغل…..

لكن قرايبينها…كانوا جايين من السفر عحظّي….وهيّي  لازم تهتم فيهن….

لأنّو متل ما فهمت….

ما في غيرها هيّي…..فيها إنّو تهتمّ فيهن…..

وهكذا دواليك…… كسّرت التيليفونات أنا دقدق للبنات ليلتها….

دقيّتلّي لشي اتنعشر وحدي أللّه وكيلكن…

من دون ما آخد جواب إيجابي من حدا…..

أخر شي آخر شي…دقّيت للصبيّة يللّي عزمتني بالأساس….

شكرتها من جديد عالعزيمة…

ورجعت بعدان بهدلتها بكلّ قلب مفتوح…..

وقلتلها:

“….يا تقربيني….

هيدي العزيمة لشخصين….

ما مش ظابطة….

تاني مرّة….إذا بتريدي….

يا أمّا اعزميني لوحدي…..

يا أمّا اتفضّلي إنت دبّريلي وحدي……”

منيح هيك…..

إحترماتنا….

Advertisements

5 Responses

Subscribe to comments with RSS.

  1. Nadim said, on July 29, 2010 at 12:19 pm

    ana b7ebbak aktar min l banet kella khayye johnny. law 3azamntne ma kenet rafadet. w bjeblak ma3e a7la 3 banet kamen. 2 la 2elak. w we7de la 2ele.

    • johnnyhage said, on August 3, 2010 at 5:39 pm

      Nadim…..teni marra…khalas…wa3ed…..teni marra be3zmak…..w 2iza baddak…..iza baddak…. jeeb el banet ma3ak….

      Ihtirametna….

  2. nermine said, on July 29, 2010 at 4:50 pm

    2e27em … kharjak ya 2esteize … why didn’t u call me .. walaw ..
    mush salam !

    • johnnyhage said, on August 3, 2010 at 5:41 pm

      nermine….wlik ya 3ammi ma 2ana ken baddi de22elik mnil 2ases…bass ma inti mashghouli bi 2immik….shou baddik yeni 2eshghlik ana kamen…ihtirametna….

  3. nermine said, on August 3, 2010 at 10:06 pm

    7ejaj 7ejaj …. khalss 2allah kbir !


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: