Ihtirametna

أكتر بلد نازل بغينيس بوك

Posted in Writings by johnnyhage on October 25, 2010

نحنا…..بتاريخ بلدنا الحديث….

اللّي بعد ما اننشر ب ولا كتاب….

صاروا الدول المتواجدة عالخريطة العالميّة….

عم تنظر لإلنا بإعجاب…وبفخر….

وعم تطلّع ع إنجازاتنا الجديدة…اللّي ما بتخلص…

واللّي عم من ضلنا نبهرهن فيها…..

عم تطّلع لئلنا…بفخر وإعتزاز….

يعني شو بدّي قلكن ….

بكلّ ما للكلمة من معنا….

 

ف..إمشوا معنا….

إذا بتريدوا…

 

نحنا…يا جماعة….

عنّا أكبر جاط تبّولة….

 

نحنا عنّا …أكبر جاط فتّوش……

 

نحنا كمان عنّا…في أكبر جاط حمّص…..

وعنّا كمان…أكبر سندويشة فلافل….

 

وعنّا…عن جديد أكبر صحن شنكليش…..

 

وعرفت مبارح من الأخبار…إنّو طلعت من عنّا….

أكبر منقوشة…

وطلعت مربّعة كمان….بدل ما تكون مدوّرة…..

شوفوا الإبداع لوين…

 

كمان في عنّا هلّق…أكبر علم لبناني….

هلّق ما تسألوني مين هيدا اللّي خطر عبالوا يعمل أكبر علم لبناني…..

ما بعرف إذا كان خايف شي بلد تاني يجي يعمل أكبر علم لبناني مثلاً…..

متل إسرائيل مثلاً…ما بعرف بتعملها….معقولي…؟ معقولي…

 

بعدان نحنا….

نحنا عنّا أغنى رجل بالعالم….

هلّق سائبت إنّو لبناني مكسيكي هوّي….

بس لو ما كان لبناني وحربوق…..

أنا أكيد إنّو ما كان وصل….

 

نحنا كمان….

أكتر بلد بيقعد بلا رئيس جمهوريّة…..

من لمّن بتخلص ولاية الرئيس القديم…وبيطلع محّلوا رئيس جديد….

 

نحنا بتاريخ بلدنا الحديث…

صرنا منفضّل إنّو رئيس الجمهوريّة…

يكون مارق بمنصب قائد الجيش…قبل ما يصير رئيس…

إي ..أفضل بكون….
 

نحنا أكتر بلد بياخد وقت لتتشكّل فيه الحكومة…

 حسب الديموقراطيّة التوافقيّة…

 

نحنا أوّل بلدّ اخترع شي إسمو ديموقراطيّة توافقيّة…..

 

نحنا كمان… أكتر بلد… في نوّاب…بضلّن عم يطلعوا نوّاب…

ولوّ إنّو الشعب مش مبسوط مننّ….

ولمّا بموتوا…بيجوا ولادن محلّن…..

وكمان الشعب ما بكون مبسوط منّن….

 

نحنا أكتر بلد من سابع المستحيلات فيه….

إنّو رئيس مجلس النوّاب….

يصير رئيس مجلس نوّاب سابق….

 

نحنا أكتر بلد…..

بينزلوا أهلو عالمظاهرات…

كلّ ما دق الكوز بالجرّة….

حتىّ صاروا معوّضين هلّق…

ينزلوا من دون ما يدقّ الكوز بالجرّة….

 

نحنّا أكتر بلد طوّلت عنا الحرب الأهليّة….وبعد ما خلصت عفكرة….

 

يعني شو بدّي قلكن صفّينا مهمشرين جماعة غينيس بوك…..

وكلّ فترة منخترعلن اختراع جديد….

لدرجة ..

بعد نتفي…

رح ننزل بغينيس بوك….ك “أكتر بلد نازل بغينيس بوك”…

 

 

إحترماتنا….

Advertisements

21 Responses

Subscribe to comments with RSS.

  1. nermine said, on October 25, 2010 at 9:20 pm

    te7lilak la fekret akbar 3alam el lebneiny kteeer Salbeh !!!
    … enta akbar einsein !!
    salam

  2. Layal MAHFOUZ said, on October 25, 2010 at 9:48 pm

    kif l 3alam baddon yelteho 3n l mashekil l kbire l mawjoudeh bl balad …
    bi fakro kif baddon yfouto b Guinness Book !!
    enno mafhoumeh …

  3. Lara said, on October 25, 2010 at 9:49 pm

    Mnee7a 😉 Loooooooool

  4. christine said, on October 25, 2010 at 10:31 pm

    Wahahahaha niceeeee johnnnnyyyy! Hahahaha u rock!!keep it coming!

  5. Samer said, on October 25, 2010 at 11:26 pm

    jayydi !!

  6. bahaa said, on October 26, 2010 at 12:52 am

    Walla ya johny I used to talk about lebanese people in a funny way and laugh…
    But now iam able to cry…I can’t believe how silly how stupid how “cool” they are…
    We hate each other , kill each other , lie on each other and all is happening in the name of god…
    Hala2 ayya god , maba3rif…
    And believe me we are ready to break the score another time in a new civil war…
    Much longer than the first one…
    W i7tirametna ilak w la yalli bifakro mitlak…

  7. Rola said, on October 26, 2010 at 10:17 am

    very nice and It suite these days…..Ihtirametna

  8. Fab said, on October 26, 2010 at 12:06 pm

    Mniha

  9. ghalia said, on October 26, 2010 at 12:14 pm

    choufina n2oull… awiyyehhhhhhh….

  10. Chantal Harik said, on October 26, 2010 at 6:04 pm

    You Rock !!! 😀
    2e7tirametna 🙂

  11. Farah said, on October 26, 2010 at 7:16 pm

    true true true 🙂

  12. ramie said, on October 27, 2010 at 9:27 am

    لا يمل خيينا جوني

  13. rony said, on October 27, 2010 at 1:15 pm

    eh walla la youmal .. serna nontor 3ala shou toul shou ra7 tektob ..

  14. seezoul said, on October 27, 2010 at 9:42 pm

    Jaydi.. 😉
    bas sho baddak… btilba2lo la ra2ees majlis al nowwab !!
    2i7tirametna !!

  15. freidy said, on October 28, 2010 at 3:58 pm

    great one 😀 2ehtirametna 😀

  16. dina kobrosly said, on October 28, 2010 at 4:11 pm

    very very nice i rly like it 😀

  17. Sam said, on October 29, 2010 at 1:38 pm

    ye3ne yareit betkoun chwey meftekhir bi hal balad badel ma te23oud tne2 mafi achtar menna bil na2 wel enti2ed. Mich chatir ella bil na2 w nese kel chi mni7 kattir kheir alla enno ba3edna we2fin ba3ed kel yalle sar be3te2id enno hayda chi igebe aw ana bsamiya 3agibe. Badel ma tenchour ghasilna el wosikh 3al alile chteghil la chi benne2 mich chi maskhara.

    • Lily said, on November 3, 2010 at 5:20 am

      Eh walla ma3ak 7a2! Ba3den kel balad 3endu masheklu innu baddak t2illi fi balad a7san minna ya3ni.

  18. marc said, on October 31, 2010 at 6:53 pm

    most of wt u said is not true !!

    • Lily said, on November 3, 2010 at 5:22 am

      Thumbs up!

  19. serhan said, on June 1, 2011 at 8:22 pm

    eh w ni7na awwal balad.. iza biddak.. bye3mol dabke bil matar


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: