Ihtirametna

إذا علقت…أنا شو بعمل

Posted in Writings by johnnyhage on November 15, 2010

عم بقولوا إنّو الأوضاع مش رايقة…

وعم بقولوا كمان….إنّو يمكن تعلق بين اللّبنانيّي…

الأوضاع يمكن تعلق…..

وإنتَ يكمن تعلق بين اللّبنانيّي…..

 

طيّب…إذا عِلقِت……أنا شو بعمل؟

 

أنا….

فرد…ما في عندي….

ولا في عندي بارودي…..

ولا عندي نقّيفة حتّى….

مش بسّ هيك….

ما بعمري استعملت سلاح….ولا بعرف إستعملوا…

ولا بدّي أعرف….

 

آخر مرّة مسكت سلاح…

كان شئفت بارودي بلاستيك….

بتخرطش….وبتقوّس….

بسّ ما بتطّيلع شي…. غير صوت فاضي….

كانت إيدي مالحة وقتها…ف…كسرتها….

 

كسرتها….لأنّها بارودي لعبة كانت….

بسّ البارودي الحقيقيّة…

هيدي ما فيكش تكسرها…هيدي هيّي بتكسرك….

 

لمّن كنت صغير…

كانوا كلّن عم بركّوا عليّي….

قال بدّن يعلموني الأبجديّة…

بالعربي…وبالفرنساوي…وبالإنغليزي…..

حتّى صير أعرف إتواصل مع العالم….

وكانوا عم بركّوا عليّي….

إنّي إلعب فوتبول….وأعمل مسرح….

لحتّى إتثقّف قال….

 

لكن…ما بعمرو حدن ….

إجا….وعلّمني كيف بستعمل بارودي أو فرد مثلاً….

أو أرشدني….على إنّو شو هيّي أفضل طريقة قوّص فيها عالعالم….

 

مع إنّو كان لازم يعلموني ويرشدوني….

إذا من نحنا وصغار هنّي عارفين….

إنّو نحنا عايشين ببلد….

أهلو…ما فيهن إلاّ كلّ 15 سنة…يقبّروا بعض….

لازم كانوا يعلمونا….نستعمل بواريد وفرودي يا خيّي….

إذا كلّ 15 سنة….الحرب راجعة….

لازم نتحضّر نفسيّاً…ومعنويّاً….وتسليحيّاً…

 

لازم إذا هيك المعادلة…

ومصرّين الجماعة….إنّو بدّن يانا نبقى بهالبلد…..

لازم يغيروا المناهج التعليميّة…

وضيفوا مادّة…”التحضير للحرب اللّبنانيّة” يا خيّي….

 

 

هلّق هيدا…حلّ…ممكن يظبط للجيل الصاعد….

ياريت بياخدو بعين الإعتبار…

ولو إنّو عين الإعتبار بهالحالة…ياريت بتبلى بالعمى…

 

هلّق أنا…. بكرا… إذا علقِت شو بعمل؟

 

إذا علقت….وإجا واحد هبيلة….

 جاب فرد أو بارودي وسحبوا عليّي….شو بعمل؟

 

بقعد بكتبلو وبقريلو؟…..إي بقوّصني….

بقعد بتحاور أنا ويّاه؟….ما معو وقت الزلمي….بقوّصني….

بقبّع بالركيض؟…بقوّصني…. شو عم بتذاكى عليه…

 

بقلوّ شيل الفرد من إيدك…هيدا خطر؟….

وكأنّو هوّّي مش عارف يعني ….بقوّصني….

 

بقعد صلّي لربيّ أنّو يساعدني؟….ممكن تظبط هيدا….

لكن إذا طلع ربّي غير ربّوا…..بقوّصني….

 

شو بعمل….بقوّصوا؟…..ما بعرف…..

حتّى ولوّ بعرف….. ما فيّي…..

حتّى ولوّ فيّي…ما بدّي يا خيّي…..

 

طيّب …بكرا… إذا علقت…أنا شو بعمل؟

 

 

إحترماتنا….

Advertisements

27 Responses

Subscribe to comments with RSS.

  1. sam said, on November 15, 2010 at 12:19 am

    lama te3la2 smetlak passport she 10 snen la ykoon hedy el wade3 werjaaa3 eza mish nawey te7mel slaa7 wbe taree2ak 5edne ma3ak le ano ma7soobak zat el she ya 5aye ya badak te2tol ya badak tmoot ya badak thej mitel ma be 2ol el matal el haribe 2/3 el marajeil e7teramatna

  2. Layal MAHFOUZ said, on November 15, 2010 at 12:28 am

    fik tet3allam …
    w eza t3allamta 3a kabar?! … bas enno rou2ous aqlem !!! ya3ne, enno, tab bas khod dawra mkassafeh, walla !! 3anjad !!! mesh 3m bemza7 !!t3allam !! lesh la2 ?!
    menne w 3layye ana hek 7a a3mil !!!
    mesh 7a ontor 7ada yeje yet3allam fiyye !!!

    • johnnyhage said, on November 22, 2010 at 2:14 pm

      layal….lamma tet3allami….ana beji bekhod droos khsousiyyeh 3indik….haydi iza le77a2et…
      Ihtirametna…

  3. MOE said, on November 15, 2010 at 12:47 am

    3mal metel kel l nes l ma 3emlet shi bel 7areb l madye, dallo b byouton w katabo l a7deis w 3asho 7ayeton ta7et l kasef w shtaghalo kamena .. bas ejmelan ma fi 7areb ahliye so ma t5af .. ma7loule

  4. Hammoud said, on November 15, 2010 at 9:25 am

    Bala ma tet3allam! moot shaheed! w esh 3leh ma 3leh shee 😉 Lol

  5. Rola said, on November 15, 2010 at 9:50 am

    ktir hilwi mitil kil kitibitak w lakhasit el wiki3 eli ba3d el nish 3ayshin fi ili ma dakhalo bi hada 3an jad shou bya3mol bi hik balad :)))
    tahiyiti

    • johnnyhage said, on November 22, 2010 at 2:11 pm

      shoukran…Ihtirametna:)

  6. Sandra Sandakli said, on November 15, 2010 at 10:04 am

    Fi 3indak hallein, aw bitmout fa2a3 aw bitmout azifeh!
    w yimkin tmout fa2a3 w ba3dein azifeh!
    Ye3neh bi kil el ahwel ma 3indak shi ta3mlo!

    • johnnyhage said, on November 22, 2010 at 2:10 pm

      sandra….ihtirametna;)

  7. ramie said, on November 15, 2010 at 10:18 am

    jayyedi

    • johnnyhage said, on November 22, 2010 at 2:08 pm

      shoukran…

  8. Rab said, on November 15, 2010 at 10:30 am

    man, ma tez3al menne! ma ba3ref iza 7adan la7az! bass 3am bet2alled Ziad el ra7bene kteer! anyway thanks 3al 5awater.

    • MD said, on November 15, 2010 at 5:27 pm

      Exactly.

      • johnnyhage said, on November 22, 2010 at 2:02 pm

        ihtirametna…

    • johnnyhage said, on November 22, 2010 at 2:08 pm

      Rab…ihtirametna…. and thanks for sharing….
      don’t worry ma ra7 ez3al……it’s only that I love Ziad Rahbani style in expressing….3am brik 3al content…..:)
      Ihtirametna….

      • Rab said, on November 26, 2010 at 11:27 pm

        welcome 5ayyeh johnny! good luck :]

  9. taerk said, on November 15, 2010 at 11:22 am

    ana bi ra2yi eza 3el2et … betkoun 3el2et
    w eza ma 3el2et , betkoun ma 3el2et :/

    • johnnyhage said, on November 22, 2010 at 2:03 pm

      ana ra2yeh min ra2yak….tezleel jiddan saleem:)…ihtirametna

  10. Fady said, on November 16, 2010 at 2:47 pm

    ya teslamle ana eza 3el2et ba3mol ra2ees 7ezeb
    halla2 ana ma darure 7areb,henne b 7arbo 3anne
    bass 3al alile be7faz rasse
    enno sheftellak shi ra2ees 7ezeb n2atal b ma3rake???,
    ma henne nafson yalle 3emlo l 7arb l 2oula ra7 ya3mlo l 7arb l tenye wel telte wel….
    bwa2ta bkun darabet 3asfouren b7ajar!!!
    keef??
    b kun 7amet rasse bel 7areb
    wlama to5lass bseer za3eem watane wbestelem shi mansab bel dawle
    eh!!!ma ne7na dawlet “manaseb”

    • Hala said, on November 16, 2010 at 4:25 pm

      100 % !!!!

      • johnnyhage said, on November 22, 2010 at 2:01 pm

        😉

  11. Hala said, on November 16, 2010 at 4:26 pm

    Very well written.. respect 🙂

    • johnnyhage said, on November 22, 2010 at 2:00 pm

      shoukran…ihtirametna…

    • hala othman said, on November 25, 2010 at 8:43 pm

      kol bezer a7san shi w ensa:P

  12. Photocopy said, on November 17, 2010 at 6:35 pm

    Ziad Rahbani Style obvious!

    b more creative!

    • johnnyhage said, on November 22, 2010 at 1:59 pm

      thanks for sharing photocopy….. I do agree about the style…it’s ziad rahbani school…
      i find it fabulous….

      yet…creativity…is also there….it is in the content…..

      but…..i will will work on myself to be more creative….

      Ihtirametna…

      Ihtirametna…..

  13. angel leen said, on November 24, 2010 at 9:10 pm

    bs te3la2 w nshallah te3la2 tla3 l3ndi w ma yehemak ma bet2awes w ma btt2awas 7ata law kan rabak mesh rabi


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: