Ihtirametna

هديونا ياه…هديّة

Posted in Writings by johnnyhage on January 23, 2011

خلصنا بقا…… ولك خلصنا بقا…..

لمّا راحوا مضيو إتّفاق الطائف…..

قبض كلّ واحد منّن مبلغ…

بيتراوح بين مليونين و8 ملايين دولار…

 ليوقفوا يتقاتلوا….ويتقاسموا البلد….

ودخيل عرضكن ما حدا يجي ينطّ…

ويقول فلان وفليتنان ما مشيو بالطائف….

لأنّو اللّي ما مشي بالطائف….رجع مشي بالدوحة…..

شو مشي؟…ركض……

وبالدوحة……

لا مليونين ولا تماني…..أكتر بكتير كتير كتير…..

وصارو الجماعة عم يدّشّوا ملايين…..

 

هلّق…..

هيئتن…..هضّموا….وحابّين يرجعوا يعبّوا….

لكن السعوديّة…فهمت اللّعبة….على ما يبدو…..

وقطر…فهمت اللّعبة عالّسريع…..

لأنّو الدوخة اللّي أكلتها بالدوحة….

ما صرلها زمان…..

 

الشعب اللبناني….

كمان فهم اللّعبة…..

بسّ…..حامل حالو غشيم…

ومش فهمان شي من شي…..

 

المشكلة بسيطة….

كلّ البلدان عم بديروا بلدنا…

لأنّو نحنا ما منعرف نديروا…

ببساطة…. لأنّو ما بعمرو كان بلدنا….

 

إستقلالنا…نحنا ما أخدنا…

ولا حاربنا كرمالو…

إجوا هنّي….وهديونا ياه…

هديّة….

هديونا ياه هدّية…عالعيد…

كرمال ساعة اللّي بدن…وبكلّ عيد…

يجو ويلعبوا فيه….

(بلا معنى أكيد)

متل ما يعملوا هلّق….

 

ع فكرا…

ما رح بصير البلد ل “اللّبنانيّي”….

إلأّ إذا أخدنا إستقلالنا بإيدنا…..

 

منستقّل….
من البلدان اللّي براّ…

ومنستقلّ….

من فساد الوزرا والنوّاب اللي الجوّا… كلّن….

 

بقولولي بدّك تاخد موقف….

بدّك تكون مع حدا….

إي لأ….اسمحولي…

ما بدّيش كون مع حدا…

بدّي إنّو ينزل الشعب عالأرض ويقشّن تنيناتن…

 

بس إذا الشعب اللّبناني ما انقبر وانهزّ…..

مش رح نستقل….

إذا ما نزل عالشارع….

وعمل ثورة ضد المعارضة والموالات….سوا…

لأنّو كلنّ كذّابين…وسرّاقين…وعندن “أجندات” خارجيّة….

مش رح نستقل…

 

رح يرجعوا…

من برّا…ومن جوّا….

يلفّولنا ياه هدية…..

ويهدونا الإستقلال….

…عن جديد….

 

من عيد….لعيد…..

 

 

إحترماتنا…

 

Advertisements

5 Responses

Subscribe to comments with RSS.

  1. Emilie said, on January 23, 2011 at 10:22 pm

    http://bit.ly/hwTbrJ متل العادة جوني! كل كلمة تماما مطرحها … لاقيني ع

  2. ramie said, on January 23, 2011 at 10:26 pm

    حلوة منك

  3. Al Jareeda said, on January 24, 2011 at 12:34 am

    بتعرف شو لازم نعمل؟ بدل ما نضل صدى بعضنا كل واحد يصرخ بوادي، لازم يكون في مساحة مشتركه تنشكل خميرة تغيير. عملك طلي صوبنا:)

    http://bit.ly/emWemb

  4. […] هديونا ياه…هديّة Ihtirametna […]

  5. القط said, on January 26, 2011 at 12:02 am

    جميل جدًا، و لكن أيضا مؤلم.
    مؤلم لأن البلد بعدو مثل ما هوي من 150 سنة، على الأقل!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: