Ihtirametna

بلا مسؤوليّة

Posted in Writings by johnnyhage on June 30, 2011

شو إنو جايي عبالي…..

شي يوم…من إياّم حياتي….

أوعى من دون مسؤوليّة….

 

تخايلو…في أحلى منّها….

اتخايلو إنّو أوعا…وما كون مسؤول عن شي….

 

لا مسؤول عن شغل…ولا عن Meetings…

ولا مسؤوول عن عالم…ولا عن حيوانات….

ولا مسؤول عن مشكلة…ولاعن حلّ….

ولا مسؤول عن حياة….ولا عن ممات….

ولا مسؤول عن شو بدّي آكل…ولا عن شو بدّي إشرب…

ولا عن كيف لازم إتصرّف…..ولاعن إنّو كيف لازم راعي شعور حدن تاني….

 

مش مسؤوول عن شي بتاتاً….

مسؤول بسّ….

عن إنّو كيف لازم ضلني… عم بتنفّس…

كيف لازم إنّو آخد نفس من مناخيري…

وطلعوا من تمّي…

بسّ هيك…..

 

هيك…لمّا بيجوا ويسئلوني “مين المسؤول هون”….

فيني ما ردّ عليهن…

لأنّو أوّلاً أنا منّيش المسؤول هون…

وتانياً أنا منّيش مسؤول إنّو قلّن مين المسؤول هون…..

 

في أحلا منّها…

فيه أحلا منّها إنّو تكون عايش من دون مسؤوليّة….

من دون ولا أيّ مسؤوليّة….

روااااااء….

بتيصير عايش حياتك….بكتيييير رواء…..

 

 

إحترماتنا….

Advertisements
%d bloggers like this: