Ihtirametna

انفصام بالديليفري

Posted in Writings by johnnyhage on February 4, 2012

 

كنت طالب ديليفري أنا وزميلتي بالشغل….

صرلي شي نصّ ساعة طالبها….

وكان المفروض إنّو “الديليفيري بوي”….صار واصل….

 

تأخّر…

تأخّر منيح…

 

اتّصلت عالمطعم وقلتلّن إنّو الديليفري بوي…

تأخّر…

تأخّر منيح…

 

قالولي:  

ييه..لأ كيف…؟…

وصّل الديليفري لعندك من نصّ ساعة…

واستلمتو الديليفري منّو… ودفعتولو كمان…

 

العما…ولا كيف استلمناها منّو ودفعنالو؟

 

صرت عم فكّر بيني وبين حالي…

إنّو  بركي… أنا معي إنفصام بالشخصيّة يمكن…

وهيدا الكاراكتير التاني إللي جواتي…

هوّي اللّي استلم الأكل..ودفع… وأكل..وأنا ما معي خبر….

 

بعدان اتبيّن إنّو الديليفري بوي وصّل الأكل عمحّل تاني…

شبقناهن بهدلي للمطعم….وعصّبنا..وفضّينا اللّي بقلبنا…ومشي الحال…

 

بعد شي نصّ ساعة تقريباً….

بيوصلّي تلفون من هيدي اللّي استلمت الأكل …

لأنّو هيئتو رقم تيليفوني مكتوب عالفاتورة….

عم بتتلفن صديقتنا…ومزعوجة..وفي غصّة بقلبها…

وعم تطلب منّي روح آخد أكلاتي…وإدفعلها حقّن…

لأنّو هييّ استلمتن من الديليفري بوي بالغلط…ودفعت بالغلط..

وإنّو هيّي كانت مفكرها  حالها طلبت دلفري لكن طلعت غلطاني….

 

حلو واللّه….

 

ف…أنا…هون….توقّعت إنّو هيدي…صديقتنا…

 معها إنفصام بالشخصيّة…ومش هيّي اللّي استلمت الأكل….

…لكن هيدا الكاراكتير التاني إللي جواتها…

هوّي اللّي مقبور عقلبو…استلم الأكل..ودفع… وما حطّها بالجو….

 

 

احترماتنا…

 

Advertisements

One Response

Subscribe to comments with RSS.

  1. Naz... said, on February 4, 2012 at 5:01 pm

    saleimtak men el 2nfisam ya Sadiki!
    w sa7tein tnein, wa7deh elak w ea7deh lal character inside of you!
    salam


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: