Ihtirametna

اتركيهن يختلطوا

Posted in Writings by johnnyhage on November 1, 2012

ليكي إنتِ عارفة إنّو الشفاف إلهن تلات طرق إستعمال…

هودي اللّي أنا بعرف فيهن…

ممكن يكونو أكتر من هيك…

 

أوّل طريقة…

إنتِ بتستعملي الشفاف… لتحكي….

 في يحكي من دون شفافو يعني؟…

….صعبة….مش على علمي….

بدِّك شفاف لتحكي…لتقرطي حكي…

وهيدا شي شاطرة كتير فيه حضرة جنابِك..

وأنا شاهد على ذلك….. بشهد عبياض إذا في لزوم….

هيدا كامشتي بحرفنة إنتِ….

ما بدّا اتنين يحكو فيها…

 

تاني استعمال للشفاف…

هوّي لتطلسي حمرا عليهن…لمّن بدّك تزينيهن….

لتحسّي إنِّك جذّابة مثلاً…

أو لمّن بدّك تغيريلهن لونن…

ليلبقو مع اتيابك… أو مع محنِك مثلاً….

أو بركي أوقات بتلونيهن … لما يبينو إنن بلا لون….

ولتصيري أكتر كوول…بتجي بتطلسيلن حمرا …

بتزينيهن شويّ…

 

وتالت إستعمال يا….تقبريني….

وهيدا الأهمّ من بين التلاتي….

الشفاف لازم تعرفيهن على اشفاف تانيين….

ليختلطوا….ل..ل… ليتفاعلوا….ليندمجوا….لينصهروا…

لأنّو ما بجوز يضلّن لوحدن…

حرام….

ما هنّي انخلقوا لهيدا الهدف…

ليتشاركو مع شفاف تانية…

ما بدن …بدّن …بدّن ياخدو ويعطوا يعني….

 

إي اعطيهن مجال….اعرفتي كيف…

اعطيهن…

 

وأنا شفافي ما بيشكو من شي يعني…

عرِفتِ كيف؟

وما….مش معرّفين عشفاف كتيرة كمان….

فا….فيهن…فيهن… يتعرّفوا مثلاً…

 

ليكي أيمتها إنتِ… آخر مرّة عرّفتي شفافك عشفاف تانيي…

واستعملتيهن لغير قرط الحكي وطلس الحمرا مثلاً؟

يا ريت بنوريني ع….هيكِ معلومة دخيل عرضِك….

 

شو قلتِ؟

 

إي إحترماتنا…

 

One Response

Subscribe to comments with RSS.

  1. sekkar melih said, on November 10, 2012 at 7:38 pm

    يسعدك صديقي : سأختصر عن اعجابي بالمدوّنة وما الى هنالك لأترك لك بعض الملاحظات :
    1- في أخطاء إملائية عدّة وردت في النصوص بأكثر من سطر ومنها التي تُفقد ما للكلمة من معنى .
    2- يستحسَن دعم التشكيل أكثر نظراً للملابسات العرفية وأنت تعلم بها كونك من رواد الكتابة العربية بالإضافة إلى أن بعض المناطق العربية كـ مصر أو الخليج مثلاً لن يتمكّن من فهم الكلمات الغير مزوّدة بتشكيل, خاصةً وأن الكتابة المستخدمة ليست فصحة أو بيضاء بل “محكي لبناني” و(نحنا أنجأ نفهم ع بعضنا) .

    بالإضافة صديقي بإمكانك تلوين بعض الكلمات نظراً لمعاني الكلمات المتعددة في المحكيّة اللبنانية ..

    دمت ودام حبرك صديقي وعمل مميز جداً وجديد من نوعه .


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: