Meen Ana

انا…..يا جماعة….

واللّه يسترني من كلمة أنا……

 

“جوني الياس الحاج”

 

– مشروع فنّان – ……

قيد التطوير…..على أمل إنّو صفّي…….

– فنّان مشروع – …

  

 

أنا ….”وألله يسترني من كلمة أنا”….

أنا كاتب…

سمّيت حالي كاتب…بسّ لأنّي…كاتب إشيا بحياتي….

بكتب…بالدارج…..متل ما “أنا” بحبّ إكتب….

هلّق ممكن كتباتي تكون حلوي….وممكن لأ…..

ممكن تكون إلها طعمة…..وممكن لأ….

ممكن ببساطة تكون…بلا طعمة….

لكن بالإجمال…كاتب……..وكتباتي موجودة عهيدا البلوغ….

وعفكرا…بعدني عم بكتب…..

 

 

كمان أنا…..”وألله يسترني من كلمة انا”….

أنا ممثّل مسرحي…..

سمّيت حالي ممثّل مسرحي….بسّ لأنّي …مثّلت إشيا بحياتي…

بمثّل عالمسرح…..

بمثّل باللّبناني الدارج…..وباللّي مش دارج كمان….

وبمثّل عالعالم أوقات…..

يعني بالإجمال..أنا بمثّل مسرحيّات…..

والمسرحيّات اللّي ممثّل فيها….موجودة عهيدا البلوغ…..

وعفكرا….بعدني عم ممثّل….

 

 

كمان أنا…”واللّه يسترني من كلمة أنا”……

أنا “محاولة” مخرج مسرحي….

ما سمّيت حالي مخرج مسرحي…لأنّي ببساطة…ما بعدّ حالي مخرج بعد…..

لكن عم جاهد إنّو صير مخرج… ومش مستعجل عفكرة…….

هلّق مأخرج كم مسرحّية من قبل……ومسرحيّاتي موجودة عهيدا البلوغ…..

وعفكرا….بعدني عم بأخرج….

 

 

كمان أنا….”وألله يسترني من كلمة أنا”…..

منظّم ومنسّق مشاريع “Event Planner and Coordinator”

هيدا الشي اللّي سمّيتو هلّق…هوّي اللّي درستو بالجامعة……

وهيدا هوّي اللّي عم بشتغل فيه بحياتي الطبيعيّة…..

لإقدر طيلع مصاري وعيش….

هيدا بيتضمّن تنظيم كلّ أنواع المشاريع الثقافيّة، والأكاديميّة، والريّاضيّة، والفنيّة كمان.

وعفكرا….بعدني عم نسّق…ونظّّم…و”نظّّر”….

 

 

وأخيراً……أنا…….”وأللّه يسترني من كلمة أنا”

باحث…….

باحث…ببساطة… لأنّي …بحالة بحث دايمة…..

عن كلّ شي بحسّوا مهمّ…. ولازم أعرفوا بهالحياة…..

باحث….وبعدني عم ببحث…. وبعتقد رح ضلّ….

 

 

إحترماتنا…..